العيشة في الصحرا بالحد الادنى من الموارد بتخليني افكر في استهلاكي في الفترة اللي بكون فيها برة وجدواه او اضراره.
مش متصور اني بقالي اشهر بتعالج من املاح بسبب افراط في سلع استهلاكية زي بسكويت و شيكولاتة و شيبسي وبيبسي وشاي ولب وغيرها.
ف نفس الوقت بحس اني مستغرب اني مش محتاجها , و ارجع استغرب اني محتاجها!
التخلي عن حاجات زي دي طواعية تارة وجبرا تارة مشي جنبه الامتناع الغريب عن الاستماع لجزء كبير من المزيكا و الاغاني و القصائد المفضلة لدرجة اني شكيت اني عاوز حياتي ف التجنيد تبقي منفصلة عن براه , لدرجة ان بقى عندي موبايلين و اتنين ميموري!
و انا راجع من الاجازة لابس شورت وباكل طعمية وبسمع مزيكا( ف دماغي) ولقيت السواق بيقولي " لو سمحت انزل عشان ما بركبش غير عساكر" حسيت اني قدرت افصل بين كوني مجند جوة وشخص عادي برة. و ده على العكس من اللي حصل في اول تجنيدي لما الست ف الكشك قالت لي بيبان ف وشكم انكم مجندين :D
النهاردة بدأت ارجع للمزيكا و الاغاني بتاعتي قبل التجنيد B|
واحد اتناشر توحد الله
لا اله الا الله :)
تلات شهور و الرابع برة :D
هانت
ليست هناك تعليقات:
إرسال تعليق