حدوتة قبل النوم

رجعت من برة لقيتهم بيقولوا لي بص ع الزرع بتاعك وكدة, رحت عند السجادة اللي زارعها وسط الورد وكنت بحبها جدا و انا بملس عليها لقيت تحت جزء منها ظرف قديم ومقطع بفتحه لقيت فيه " من اسماعيل علي عشرة الى من يجد هذا الظرف من احفاده سير عشر خطوات حتى تصل الى الكنز ".
رسالة غريبة بإسم جد والدي خلتني اطلع اجري على جدي افهم منه اي حاجة بس للاسف طلع ما يعرفش حاجة عن الموضوع.
رحت على اخواتي وولاد عمي وحكيت لهم وقرروا يساعدوني في الوصول للكنز.
وفضلنا كل ما نوصل لظرف يوصلنا للتاني لحد ما وصلنا لارض مهجورة ورا بيت عمي وفي الآخر مالقيناش لا كنز ولا هبل.
رجعت البيت لقيت فريدة بتدور عليا عشان تقولي ان الحوار مقلب من اخواتي وولاد عمي -_-
اكتر حاجة زعلتني اني عرفت انهم عشان يبينوا الجوابات قديمة رموها في المجاري وطلعوها دفنوها و انا استكشفتها وكلها مجاري  :/