الحرية لإبن البطة السودة

١
لخص جيفارا الحل في " الطليعة الثورية النقية , التي لا مكان فيها لخائن او سارق "
و ان كان الخائن
غني عن تعريف جيفارا له وتعديد صفاته , فالسارق كان أولى بأن يخصه تشي بفيض من كلماته ليحدد ما ومن يسرق السارق أثناء الثورة ؟ وفي اي صف قد يوجد السارق ؟
٢
انتبهت على رسالة صديقي المعتقل السابق يقول : عمرو ربيع اتقبض عليه . فلما حاولت أن ارسل له بيانات محامين لدعم عمرو , رد : عمرو مشهور واكيد معاه محامين , عاوزين نبعت محامين لباقي الناس اللي اتقبض عليهم النهارده , هم محتاجين ده اكتر من عمرو .
٣
تقول الرواية , انهم كانوا في زيارة  لأحد مشاهير المعتقلين  , فقال لهم : يا جماعة ما تعملوش الصفحة الحرية ليا , اعملوها للحرية عشان كل المعتقلين , حينها فقط انتبهوا ان هناك ٢٢ ألف معتقل .
٤
الحرية لإبن البطة السودة اللي مالوش محامي عشان اهله معاهمش فلوس ,
الحرية لإبن البطة السودة اللي المنظمات الحقوقية ما تعرفش عنه ,
الحرية لإبن البطة السودة اللي البطة السودة ( امه) ما حيلتهاش غيره هو وأخوه اللي اتاخد معاه من البيت , من حضنها .
٥
تحت *فيه ناس عاوزة محامي (اهتمام) , مش عاوزه سيبهولهم , ولو عندك محامين كتير برضو سيب لهم شوية .
----
تحت = تحت خط الإهتمام .